مالي بدالك يامنى الروح غالي .. مالي بدالك
ولا طرالي بالهوى يوم انا اجفاك .. مالي بدالك
دايم تعاتبني تقول انته سالي .. مالي بدالك
وانت الذي تليت قلبي بيمناك .. مالي بدالك
في غيبتك شفت سود الليالي .. مالي بدالك
اسهر واهلْ الدمع من حر جفواك .. مالي بدالك
لا لا تزيد القلب يصلاه صالي .. مالي بدالك
ارفق على قلبٍ تعنى بليّاك .. مالي بدالك
صَدِق ترى قلبي عن الغير سالي .. مالي بدالك
عوقتني بالشك والموت فرقاك .. مالي بدالك